काठमाडौं । त्रिभुवन अन्तराष्ट्रिय विमानस्थलबाट १४ किलो सुनसहित २ जना नेपाली नागरिक पक्राउ परेका छन् । सुनसहित गोरखा बारपाक घर भएका चन्द्र घले र धुमबराही बस्ने मिन घलेलाई प्रहरीले पक्राउ गरेको हो ।

फ्लाइ दुबईको एफजेड ५७३ बाट गएराती ११ः५६ मा काठमाडौं आएका चन्द्र घलेलाई कपडामा बेरेरे छातीको दायाँबायाँ राखि लुकाएर ल्याएको अवस्थामा बिस्कुट आकारको १४ किलो सुनसहित पक्राउ गरिएको डिआइजी अर्जुन चन्द ठकुरीले जानकारी दिनुभयो।

चन्द्र घलेसँग सोधपुछ गरी सुन धुमबराही बस्ने मिन घलेको भन्ने जानकारी पश्चात् मिन घलेलाई पनि पक्राउ गरीएको हो । अहिले २ जनालाई नै नियन्त्रणमा लिएर भनसारले अनुसन्धान गरिरहेको डिआइजी ठकुरीले बताउनुभयो।

यस समाचार काेशी सन्देश अनलाइन पत्रिका वाट साभार गरिएको हाे ।