बिराटनगर / मुस्लिम समुदायको महान चाड मोहर्रम बुधबार भब्यताका साथ मनाइएको छ।

बिराटनगर वडा नं १३ मा मुस्लिम समुदायका मानिसहरूले भब्य रुपमा मोहर्रम पर्व मनाएका छन्। हरेक बर्ष मनाईने यस पर्वलाई देश भरिकै बिभिन्न स्थानमा मनाईएको छ। बिराटनगर वडा नं १६,१७ मा पनि पनि उनिहरुले भब्यताका साथ मनाएका छन्। यसै क्रममा नाका क्षेत्रमा दिल गरिए सँगै २०० भन्दा बढी प्रहरीहरु सुरक्षाका लागी परिचालन गरिएको थियो।

हसन र हुसेनको प्रतीकस्वरुप ताजिया निर्माण गरी यो पर्व मनाइँदै छ ।वाञ्छित मनोकामना पूर्ण हने आशामा वा पूर्ण भएपछि ताजिया बनाउने गरिएको छ ।

मेलामा मुस्लिम समुदायका मानिसहरूले तरबार, लठ्ठी, भाटा बोकेर सहित नाँच गान गरी आफ्नो कला प्रस्तुत गरे ।
हजरत इमाम हुसेन इस्लामका पैगम्बर मुहम्मदका नाति थिए । उनले इस्लाम र मानवताको रक्षा गर्न आफ्नो परिवार र साथीहरूको बलिदान दिएका थिए । यिनै सहिदहरूको सम्झनामा ताजिया निस्कने गरेको छ । ताजियालाई सहिदहरूको प्रतीक मानिन्छ ।