ग्रामथान / ग्रामथान गाउँपालिकामा नेपाली कांग्रेसले उम्मेदवारी घोषणा सभा कार्यक्रम सम्पन्न गरेको छ। तेतरियामा भएको घोषणा सभामा नेपाली कांग्रेसका कार्यकर्ताहरू दुई हजार भन्दा बढी सङ्ख्यामा भेला भएको कुरा तुलसी किरण विश्वासले बताए।

ठूलो सङ्ख्यामा उपस्थिति भएका कार्यकर्ता माझ अध्यक्ष पदका उम्मेदवार बलराम सरदार थारुको उम्मेदवारी घोषणा गरिएको थियो।

घोषणा सभा कार्यक्रममा नेपाली कांग्रेसबाट १६ जना मध्येमा चार जनाले उम्मेदवारी फिर्ता लिएका थिए। बाँकी १३ जनामध्ये नेपाली कांग्रेस मोरङबाट सर्वसम्मत रुपमा बलराम सरदार थारुलाई टिकट दिएको कुरा नेपाली कांग्रेस मोरङका सभापति डिकबहादुर लिम्बुले बताए।
ठूलो सङ्ख्यामा उपस्थिति भएका कार्यक्रममा ग्रामथान गाउँपालिकाका अध्यक्ष पदमा टिकट पाएका बलराम सरदार थारु जितमा कार्यकर्ता माझ उत्साह बढेको छ।

कार्यक्रममा नेपाली कांग्रेसका वक्ताहरुले ग्रामथान कांग्रेसको गढ हो, कांग्रेसकै क्षेत्र हो र कांग्रेसले नै जित्ने ठोकुवा गरे।
कार्यक्रममा नेपाली कांग्रेसका पूर्व केन्द्रीय सदस्य गुरुराज घिमिरे, कोशी प्रदेशका पूर्व मुख्यमन्त्री केदार कार्की, गोपाल मानसिंह राज भण्डारी, पूर्वमन्त्री दिलीप गच्छदार, मोरङ उपसभापति भक्तिनाथ माझी, कठहरी गाउँपालिकाका सभापति रामकुमार कामत लगायतले बोलेका थिए।

कार्यक्रममा अध्यक्ष पदमा टिकट पाएका बलराम सरदार थारुले आफू एकचोटी को लागि मात्रै उम्मेदवारी दिएको बताए । २०८४ मा फेरि आफू उम्मेदवार नबन्ने बद्धता ठोकुवा गरे। अल्प आयुमा निधन भएका पूर्व अध्यक्ष जयप्रकाश गच्छदार थारुले गरेका अधुरा कामहरु आफूले पूरा गर्ने वचनबद्धता जाहेर गरे ।

कार्यक्रममा विराटनगर महानगरका मेयर नागेश कोइराला बुढीगंगाका अध्यक्ष जितु थापा मगर उपाध्यक्ष अमृता गच्छदार, संविधानसभा सदस्य पनि देवी खवास कविता सरदार लगायतको उपस्थिति रहेको थियो।

घोषणा सभा कार्यक्रम मोरङ क्षेत्र नम्बर ४’१’ र ग्रामथान गाउँपालिका कार्यसमितिको संयुक्त आयोजनामा गरिएको थियो। कार्यक्रमको सभापतित्व नेपाली कांग्रेस ग्रामथान का सभापति किरण तुलसी विश्वासले गरेका थिए।